ڏوڪري ٽائون ڪميٽي جو بجيٽ اجلاس چيئرمين عبدالحميد جيسر جي صدارت ھيٺ ٿيو

ڏوڪري (رپورٽر) ٽائون ڪميٽي ڏوڪري جو بجيٽ اجلاس چيئرمين عبدالحميد جيسر جي صدارت ھيٺ ٽائون آفيس ۾ منعقد ڪيو ويو، جنھن ۾ وائيس چيئرمين سيف الله سومرو، ٽائون آفيسر راجا محمد ياسين ڀٽو، اڪائونٽ آفيسر آصف علي تنيو، ڪائونسلر حبيب الله کوکر، محراب خاصخيلي، ڪاشف خاصخيلي فدا حسين گاڏھي، مونا فقير، بشير ٿھيم، پرھ ڍڪڻ ۽ ڪرڻ ڪمار شرڪت ڪئي. ان موقعي تي ٽائون ڪاميٽي ڏوڪري جي سال 2025.2026 جي خساري واري بجيٽ پيش ڪئي وئي، جنھن کي يڪراءِ منظور ڪيو ويو. ان موقعي تي اجلاس کي خطاب ڪندي چيئرمين عبدالحميد جيسر چيو ته آء ٽي سينٽر، پارڪس، بس اسٽاپ، ويٽنگ رومز، سي سي ٽي وي سسٽم ۽ اسٽريٽ لائيٽ سميت ڏوڪري شھر ۾ رڪارڊ ترقياتي ڪم ڪرايا آھن. ھن چيو ته ڪائونسل، ملازمن ۽ شھرين جي تعاون سبب ئي محدود بجيٽ ھئڻ باوجود وڏي پئماني تي ترقياتي ڪم ممڪن بڻيا آھن. ھن وڌيڪ چيو ته پ پ ايم پي اي عادل الطاف انڙ طرفان ڏوڪري ٽائون ۾ ترقياتي اسڪيمن جي خاطري ڪرائي آھي، جنھن سان ڏوڪري شھر خوبصورت ضرور بڻبو. ھن چيو ته ڏوڪري جي شھرين لاءِ ميونسپل جي سمورن سرٽيفڪيٽن جي فيس ختم ڪئي آھي، عوام کي صحت صفائي، اسٽريٽ لائيٽ سميت بنيادي سھولتون فراھم ڪرڻ اولين فرض آھي.