نوشهروفيروز ۾ به مرڪزي ماتمي جلوس بر آمد، امام حسين عه ۽ سندس جانثارن کي ڀيٽا پيش

امام بارگاهه باب حيدر کان مرڪزي ماتمي جلوس برآمد ٿيو، سينا زني، زنجير زني ۽ چاڪو زني ڪندي ڪيترائي عزادار زخمي

نوشهروفيروز (ڊ ر) نوشهروفيروز ۾ به مرڪزي ماتمي جلوس بر آمد ٿي ويو آهي ڪربلا جي ميدان ۾ عظيم قربانيون ڏيندڙ حضرت امام حسين عليه السلام ۽ سندس جانثار ڀيٽا پيش ڪرڻ لاءِ سوين عذادار امام بارگاهه باب حيدر کان مرڪزي ماتمي جلوس جي صورت ۾ منزل طرف روان دوان آهن جلوس ۾ شريڪ ڪيترائي عزادار سينا زني ، زنجير زني ۽ چاڪو زني ڪندي زخمي ٿي پيا زخمين کي هيلٿ کاتي پاران فرسٽ ايڊ ڏيڻ لاءِ موبائيل ٽيم ايمبولينس ذريعي مهيا ڪيون ويون جيڪي زخمي عزادارن کي اسپاٽ تي طبي سهولتون فراهم ڪيون ويون جڏهن ته ميونسپل ڪميٽي چيئرمين پاران روٽن تي صفائيء جوڳو بندوبست ڪيو ويو ھوڏانھن سيڪورٽي جا انتظام به ايس ايس پي نوشھروفيروز پاران سخت ڪيا ويا آهن وک وک تي پوليس جا جوان ڪنهن به اڻ وڻندڙ واقعي کي منهن ڏيڻ لاءِ تيار بيٺل رهيا مرڪزي ماتمي جلوس هيٺائين چوڪ، جوکين واري پڙ، ٺاروشاهه چوڪ تان ٿيندو شاھ نصير جي درگاھ کان پوءِ امام بارگاهه نجف سنڌ، مارڪيٽ چوڪ کان پوءِ بالاشاه بخاري پهچندو جتان پيرن کان ٿيندو ڪڪا شاهه پاڙي بعد مرڪزي امام بارگاهه باب حيدر تي نهر ٿيو جتي شام غريبان پڙهي وئي هوڏانهن ميونسپل ڪميٽي جي چيئرمين ڊاڪٽر ڪاشف ميمڻ ، ڊپٽي ڪمشنر ارسلان سليم سان گڏجي ماتمي جلوس جي روٽن جو جائزو وٺڻ لاءِ روٽن جو معائنو ڪيو آهي