ملير ۾ خانگي ڪمپنين جي چمني مان نڪرندڙ زهريلي دونهين بابت ڪٺ

ماحولياتي گدلاڻ ۽ انساني حياتيون بچائڻ لاء گڏيل جدوجهد هلائڻ جو فيصلو ڪيو ويو

ملير (رپورٽ: عبدالرشيد مورجھريو)ملير ۾ قومي شاھراھ لڳ خانگي ڪمپنين جي چمني مان نڪرندڙ زهريلي دونهين وارو معاملو، سياسي سماجي متحرڪ تنظيمن ۽ اڳواڻن جو گڏيل احتجاجي ڪٺ ماحولياتي گدلاڻ ۽ انساني حياتيون بچائڻ لاء گڏيل جدوجهد هلائڻ جو فيصلو گذريل ڪيترن ئي سالن کان ڳوٺن ۾ قائم ڪارخانن مان نيڪال ٿيندڙ گندي پاڻي ۽ دونهين اڻ ڳڻيون زندگيون ڳڙڪايون آھن اعلي اختيارين ماحولياتي ڪامورن احتجاجن باوجود ڪنهن به قدم نه کنيا آھن پنهنجن ڳوٺاڻن ۽ پنهنجي ايندڙ نسلن کي بچائڻ لاء هڪ هڪاڻي ڪبي راڄوڻي کٺ جو فيصلو تفصيل موجب ملير ۾ قومي شاھراھ لڳ ميمڻ انڊسٽريل پارڪ ۾ قائم خانگي ڪمپنين جي چمني مان نڪرندڙ زهريلي دونهين سبب سمورن ڳوٺن ۾ بيچني پکڙجي وئي آھي ان سلسلي ۾ مخلتف ڳوٺن جي چڱ مڙسن سياسي سماجي اڳواڻن جو گڏيل احتجاجي ڪٺ رزاق آباد ۾ ٿيو جنهن ۾ سيد خداڏنو شاھ، اشرف خاصخيلي رحيم جوکيو يعقوب خاصخيلي ڪريم بخش نوحاڻي حاڪم الدين جوکيو مقبول لاشاري فيض محمد لاشاري رسول بخش نوحاڻي سعيد محمد لاشاري ۽ ٻين وڏي تعداد ۾ شرڪت ڪئي ڪٺ ۾ ميمڻ انڊسٽريل پارڪ جي سمورين فڪٽرين سميت ڀرپاسي جي ٻين فيڪٽرين مان نڪرندڙ زهريلي گندي پاڻي ۽ دونهين سان ٿيندڙ ماحولياتي گدلاڻ ۽ انساني حياتين جي خطري تي ڳڻتي ظاھر ڪندي سخت ڪاوڙ جو اظھار ڪيو ويو ان موقعي تي معززن جو ڪٺ ۾ چوڻ هو ته ڪيترن ئي سالن کان ڳوٺن ۾ قائم ڪارخانن مان نيڪال ٿيندڙ گندي پاڻي ۽ دونهين اڻ ڳڻيون زندگيون ڳڙڪايون آھن ۽ هن وقت ڪيترائي ماڻهون گهرن ۾ چمڙي پيٽ ساھ بخار ۽ ٻين بيمارين ۾َمبتلا ٿي بستري داخل ٿي ويا آھن جنهن خلاف اعلي اختيارين ماحولياتي ڪامورن کي ڪيتريون درخوستون ڏنيون آھن ۽ احتجاجن باوجود ڪنهن به قدم نه کنيا ويا آھن هنن چيو هاڻي سمورا راڄ ۽ انهن جا معزز مجبور ٿي اعلان ڪن ٿا ته پنهنجن ڳوٺاڻن ۽ پنهنجي ايندڙ نسلن کي بچائڻ لاء هڪ هڪاڻي ڪبي هنن سنڌ جي وڏي وزير ماحولياتي کاتي انساني حقن جي تنظيمن ملير مان چونڊيل سمورن صوبائي توڙي قومي اسيمبلي ميمبرن کي اپيل ڪئي ته گدلاڻ سبب زندگي ۽ موت جي ٻه واٽي تي بيٺل ملير جي غريب ۽ مارو ماڻهن جون حياتيون بچائڻ لاء سخت قانوني قدم کڻي ڄاڻايل فيڪٽرين خلاف ڪاروائي ڪري گدلاڻ کي روڪيو وڃي