ملير جدوجهد ڪميٽي پاران سنڌي نوجوانن کي روزگار نه ڏيندڙن ڪمپنين خلاف تحريڪ تيز ڪرڻ جو اعلان

ملير (رپورٽ: عبدالرشيد مورجھريو) ملير جدوجهد ڪميٽي پي ڪي گوشت ڪمپني سميت ملير جي ڳوٺن ۾ قائم ڪارخانن ۾ مقامي نوجوانن کي روزگار نه ڏيڻ ۽ نوڪرين تي موجود پورهيتن سان ناانصافي خلاف هلندڙ جدوجهد کي وڌيڪ تيز ڪرڻ جو اعلان ڪري ڇڏيو، سومر تي موسي ڳوٺ کان پي ڪي گوشت ڪمپني تائين ڪارا جهنڊا ۽ ٻانهن تي ڪاريون پٽيون ٻڌي سوين ماڻهن جي پرامن ريلي ڪڍي ڪمپني انتظاميا کي يادشتنامون ڏنو ويندو،اسان جا جائز قانوني مطالبا پورا نه ڪيا ويا ته ڪمپني گيٽ اڳيان ڌرڻو هڻي مطالبن جي مڃتا تائين احٽجاج ڪنداسين ،جدوجهد ڪيمٽي جي اڳواڻن فيض سنڌي،اقبال ڪلمتي،ڄام اورنگزيب جوکيو ،شيراز سولنگي ۽ ٻين جي هنگامي پرهجوم پريس ڪانفرنس تفصيل موجب ملير جدوجهد ڪميٽي جي اڳواڻن فيض سنڌي،اقبال ڪلمتي،ڄام اورنگزيب جوکيو ،ڪامريڊ وهاب گبول ،شيراز سولنگي ۽ ٻين عوامي پريس ڪلب ملير ۾ پرهجوم هنگامي پريس ڪانفرنس ڪندي اعلان ڪيو آهي ته اسان جي ڳوٺن وچ ۾ قائم پي ڪي گوشت ڪمپني سميت ٻين ڪارخانن ۾ مقامي نوجوانن کي روزگار نه ڏيڻ ۽ نوڪرين تي موجود پورهيتن سان ناانصافي خلاف هلندڙ جدوجهد کي وڌيڪ تيز ڪري رهيا آهيون ان سلسلي ۾ 29 سيپٽمبر سومر ڏينهن موسي ڳوٺ کان پي ڪي گوشت ڪمپني تائين سوين ماڻهو ڪارا جهنڊا کڻي، ٻانهن تي ڪاريون پٽيون ٻڌي پرامن ريلي ڪڍي ويندي ۽ ڪمپني انتظاميا کي مطالبن تي ٻڌل يادشتنامون ڏنو ويندو هنن چيو ته جيڪڏهن اسان جا جائز قانوني مطالبا پورا نه ڪيا ويا ته ڪمپني مين گيٽ اڳيان هزارين ماڻهن جو ڌرڻو هڻي مطالبن جي مڃتا تائين احتجاج ڪنداسين هنن چيو ته سڄي دنيا ۾ مقامي ماڻهن جا حق مڃيل آهن ۽ دنيا جا ملڪ ۽ انهن جا حڪمران ان قانون عمل ڪري رهيا آهن پر اسان ملڪ جي انساني،اخلاقي آئيني قانوني قدرن جي لتاڙ ڪندي ڪارخانن جي مالڪن ۽ انتظاميا مقامي ماڻهن جي تذليل ڪئي پئي وڃي جنهن تي چونڊيل نمائندا اسيمبلي وزير مشير خاموش آهن تڏهن ماڻهو مجبور ٿي پنهنجا حق حاصل ڪرڻ لاءِ رستن تي نڪرن ٿا هنن پي ڪي گوشٽ ڪمپني جي مالڪ جيڪو ملير ۾ سمورين گوشت ڪمپنين جو مالڪ آهي جنهن هٿ وٺي مقامي پورهيت جي دشمن منشين ۽ ٺيڪيدارن کي کلي چوٽ ڏئي ڇڏي آهي جن 25 سالن کان ڪم ڪندڙ پراڻن ملازمن کي رڳو مقامي هجڻ جي بنيادن تي فارخ ڪري سنچ کان ٻاهر جا ماڻحو گهرائي ڀرتي ڪيا آهن هنن چيو ان ظلم ۽ ٻه اکيائي خلاف سر سان ڪفن ٻڌي حقن لاءِ نڪتا آهيون سنڌ حڪومت،ليبر کاتي سميت سمورين سياسي جمائتن انساني حقن توڙي مزدور تنظيمن کي پي ڪي گوشت ڪمپني خلاف اسان جي مدد ڪرڻ گهرجي