ملير: ميمڻ ڳوٺ گٽر جي گندي پاڻي ۾ ٻڏل، علائقو واسي پريشانين جو شڪار

ناليون اٿلڻ ۽ صفائي سٿرائي نه ٿيڻ سبب رهواسي سخت تڪليفن کي منهن ڏيڻ تي مجبور، نوٽيس وٺڻ جو مطالبو

ملير (رپورٽ: عبدالرشيد مورجھريو) يو سي مراد ميمن، گڏاپ ٽائون جي علائقي ميمن ڳوٺ سميت مختلف پاڙن بروھي ، جاموٽ ، غفور بستي، بلوچ ، باريچا ۽ ٻين گوٺن ۽ جون گهٽيون ، رستا ۽ گهر گٽر جي گندي پاڻي سان ڀرجي ويا آهن. برسات جو پاڻي اڃا تائين مرڪزي بازار ۾ بيٺل آهي، جنهن سبب اچڻ وڃڻ ۾ شديد ڏکيائي پيش اچي رهي آهي علائقي واسين جو چوڻ آهي ته گندي پاڻي ۽ بدبودار ماحول سبب ساهه کڻڻ به ڏکيو ٿي ويو آهي. گهرن جون عورتون مجبور ٿي احتجاج ڪري رهيون آهن ۽ پنهنجن گهرن مان گٽر جو پاڻي ڪڍرائڻ لاءِ سرڪاري اختيارين کي بار بار منت سماجت ڪري رهيون آهن علائقي جي ماڻهن يوسي مراد ميمن جي وائيس چيئرمين تي سخت تنقيد ڪندي الزام لڳايو آهي ته هن سڄي ڳوٺ کي گندگي جي ڍير ۾ تبديل ڪري ڇڏيو آهي. رهواسين موجب هو چونڊن وقت برادري ۽ ذات پات جون ڳالهيون ڪري ووٽ وٺي ٿو پر عوامي مسئلن جي حل لاءِ ڪا به ذميواري نٿو نڀائي شهرين جو چوڻ آهي ته يوسي ۽ گڊاپ ٽائون جا ترقياتي فنڊ ۽ اسڪيمون هڙپ ڪيون پيون وڃن، جڏهن ته ماڻهو گٽر جي گندي پاڻي ۾ عذاب جي زندگي گذاري رهيا آهن. علائقي ۾ مليريا، دست، هيپاٽائيٽس، خارش ۽ ٻين موذي بيمارين تيزي سان پکڙجڻ لڳيون آهن، جنهن سان ماڻهن جون زندگيون خطري ۾ اچي ويون آهن.علائقي واسين وزيراعليٰ سنڌ، وزير بلديات، چيف سيڪريٽري سنڌ ۽ ڪميشنر ڪراچي کان پرزور مطالبو ڪيو آهي ته ميمن ڳوٺ ۽ ٻين محلن جي فوري صفائي ڪرائي وڃي ۽ ڪرپٽ وائيس چيئرمين خلاف قانوني ڪارروائي ڪئي وڃي.