نوشهر فيروز ۾ اصغريه آرگنائيزيشن پاڪستان خواتين پاران سيده زهرا سه جي زندگي تي سيمينار منعقد

مسجد امام بارگاھ امام حسين ياسين آباد مهراڻ ٽائون۾ سميرا فاطمي اصغري جي صدارت ۾ سيمينار ٿيو

نوشهر فيروز (ڊ ر)اصغريه آرگنائيزيشن پاڪستان خواتين پاران سيده زهرا جي زندگي تي هڪ سيمينار مسجد امام بارگاھ امام حسين ياسين آباد مهراڻ ٽائون، نوشهرفيروز ۾ منعقد ڪيو ويو، جنهن جي صدارت مرڪزي صدر محترمه سميرا فاطمي اصغري ڪئي. سيمينار ۾ ڪنيزان زهره سلام الله عليها وڏي تعداد ۾ شرڪت ڪئي. سيمينار کي خطاب ڪندي مرڪزي صدر محترمه سميرا فاطمي اصغري۔ سيده تصور زهرا نقوي. سيده ڪومل رضا بخاري ۽ ٻين چيو ته اسان عورتن کي جناب سيده جي زندگي کي پنهنجي لاءِ رول ماڊل طور رکڻو آهي ۽ پنهنجي سماج جي اصلاح ڪرڻي آهي، تنهن ڪري اسان يقين سان چئي سگهون ٿا ته اسان هن پياري ملڪ جي تمام گهڻي خدمت ڪري سگهون ٿا. اڄ ملڪ کي هر طرف کان تڪفيري سوچ رکندڙ ماڻھن گهيري ورتو آهي ۽ پياري ملڪ جي ثقافتي، جاگرافيائي ۽ مذهبي سرحدن ڏانهن وڌي رهيو آهي. اڄ اسان کي متحد ٿي پاڪستان جي اصغري تحريڪ جو مضبوط هٿ بڻجڻو آهي ۽ فاطمي ڪردار ادا ڪرڻو پوندو پنهنجن مردن سان گڏ ميدان ۾ لهڻو آهي. انهن وڌيڪ چيو ته اسان مثبت ۽ تعميري سوچ ذريعي پنهنجي ملڪ ۾ ڀلائي، تعليم ۽ عوامي صحت جي مسئلن تي ڌيان ڏئي سگهون ٿا. الله تعاليٰ اسان سڀني کي جناب سيد جي زندگي تي عمل ڪرڻ جي توفيق عطا فرمائي۔