ڪراچي مان مبينا کنڀيل شاگرد اڳواڻ جي آزادي لاءِ ڏوڪري ۾ احتجاج

نوجوان سماجي اتحاد پاران غني امان چانڊيو جي آزادي لاءِ احتجاج ڪيو ويو

ڏوڪري (رپورٽر) ڪراچي جي اسپتال مان مبينا کنڀي گم ڪيل شاگرد اڳواڻ جي آزادي لاءِ ڏوڪري ۾ نوجوان سماجي اتحاد تعلقي ڏوڪري اڳواڻن پاران احتجاج ڪيو ويو. نوجوان سماجي اتحاد تعلقي ڏوڪري جي اڳواڻ ارشاد ٻگهيو، عمير جوڻيجو، ساجد باغ جتوئي، نثار ميهر کوکر، نعيم ٿهيم، جسقم اڳواڻ رڪ سنڌي، ايس يو پي اڳواڻ صابر جروار، امتياز کوهارو ۽ ٻين جي اڳواڻي ۾ کنڀي گم ڪيل شاگرد اڳواڻ غني امان جي آزادي لاءِ ڏوڪري پريس ڪلب اڳيان احتجاج ڪيو ويو. احتجاج ڪندڙن جو چوڻ هو ته گاڏين تي نامعلوم ماڻهن اسپتال ۾ غني امان چانڊيو مٿان سندن پيارن جي سامهون تشدد ڪرڻ واري عمل جي سخت لفظن ۾ مذمت ڪريون ٿا. هنن چيو ته سنڌي نيشنل ڪانگريس شاگرد اڳواڻ غني امان ڪراچي ۾ پٽ جو علاج ڪرائي رهيو هو ته مختلف گاڏين تي نامعلوم ماڻهن تشدد جو نشانو بڻائي کڻي گم ڪري ڇڏيو آهي. هنن مطالبو ڪندي چيو ته کنڀي گم ڪيل شاگرد اڳواڻ غني امان چانڊيو کي آزاد ڪيو وڃي.