ڪراچي واسڻ ناري پاران نوشحروفيروز واسي نوجوان سان پرڻو

انعم جٽ ۽ آصف وڳڻ نوشهروفيروز جي عدالت ۾ پسند جو پرڻو ڪري ڇڏيو

مرضي سان شادي ڪئي هئي، پيءُ ۽ چاچي مان خطرو آهي: انعم جٽ نوشهروفيروز (ڊ ر)ڪراچي جي رهواسڻ انم جٽ نوشهرو فيروز جي رهواسي سان پيار جو پرڻو ڪرڻ بعد پيءُ ۽ چاچي کان تحفظ جي اپيل ڪري ڇڏي۔ نوشهرو فيروز جي جسٽس آف پيس جي عدالت ۾ بلال ڪالوني ڪراچي جي رهواسڻ انم جٽ، ڳوٺ ڪلرو جي رهواسي آصف وڳڻ سان پيار جو پرڻو ڪري ورتو آهي. شادي بعد ٻنهي پريس ڪلب نوشهرو فيروز ۾ پريس ڪانفرنس ڪندي چيو ته اسان پنهنجي مڪمل رضا خوشي سان شادي ڪئي آهي. انم جٽ الزام هنيو ته شادي کان پوءِ منهنجو والد محمد جاويد جٽ ۽ چاچو دانش جٽ اسان جا ويري بڻجي ويا آهن ۽ منهنجي مڙس آصف وڳڻ ۽ سندس مائٽن خلاف ڪراچي ۾ اغوا جو ڪوڙو ڪيس داخل ڪرايو ويو آهي. انم جٽ چيو اسان محفوظ ناهيون، وس وارن کان اپيل آهي ته اسان کي تحفظ فراهم ڪيو وڃي ته جيئن اسان سک سان شادي شده زندگي گذاري سگهون.