مورو ويجھو ڳوٺ نواب سابقي کان ڪاليج ويندي اغوا ٿيل شاگرد عمران سابقي جي بازيابي لاءِ احتجاج

عمران سابقي کي ڪاليج ويندي اغوا ڪيو ويو، پوليس هن وقت تائين ڪا ڪارروائي ناهي ڪئي: وارث

مورو(جاني جماڻي) مورو ويجھو ڳوٺ نواب سابقي کان ڪاليج ويندي اغوا ٿي ويل نوجوان شاگرد عمران سابقي جي بازيابي لاءِ وارثن، ڪاليج جي استادن، شاگردن سول سوسائٽي جي اڳواڻن پاران احتجاجي مظاھرو ڪيو ويو جنھن جي اڳواڻي سڄڻ خان سابقي، شاھنواز خان سابقي، حضور بخش، امام بخش، حافظ اختر، سائين بخش، فياض علي، دفتر علي، صداقت علي سابقي، استادن محمد يوسف شيخ، علي رضا سيال، باسط سيال، زاھد سيال شاگردن خادم حسين، عمران علي، احمد علي، ماجد حسين، فيضان، جاويد، خالد، ساحل ۽ ٻيا ڪري رھيا ھئا. جتي ھنن جو چوڻ ھو تہ اسان جو نوجوان شاگرد ڪاليج اچي رھيو ھو تہ نامعلوم ماڻھن کين اغوا ڪيو آھي ۽ موٽرسائيڪل پڻ ڪاھي ويا آھن ھي علائقي ۾ بد امني جي واڌ آھي انھي واقعي کانپوءِ خوف واري فضا ڇائنجي وئي آهي پوليس انتظاميا تحريڪ وٺي نوجوان بازياب ڪرائي ڇاڪاڻ ته ھن وقت گھر ڀاتين ۾ خوف پريشاني ڇائنجي وئي آھي ھنن وس وارن ادارن گھرو وزير ضياءَ الحسن لنجار کان مطالبو ڪيو ته نوجوان جي بازيابي لاءِ زور ڏنو وڃي تہ جيئن ڇانيل مايوسي ختم ٿئي ۽ علائقي ۾ امن امان بحال ٿي سگھي.