ڪنري ۾ لکين رپين جي منشيات هٿ اچڻ وارو معاملو، ايس ايڇ او معطل

ايس ايس پي عمرڪوٽ ڪنري جي ايس ايڇ او افتخار باجوا کي معطل ڪري ڇڏيو

عمرڪوٽ(رپورٽ:ڪانجي مل رکيسر) ڪنري ۾ لکين رپين جي منشيات هٿ اچڻ وارو معاملو، ايس ايس پي عمرڪوٽ ڪنري جي ايس ايڇ او افتخار باجوا کي معطل ڪري ڇڏيو. خبر موجب ٻه ڏينهن اڳ ڪنري جي ٻسٽان مان هڪ گودام مان سي آئي اي پوليس عمرڪوٽ پاران ڇاپو ھڻي لکين روپين جي منشيات هٿ اچڻ واري معاملي جو ايس ايس پي عمرڪوٽ عذير احمد ميمڻ سختي سان نوٽيس وٺندي ايس ايڇ او ڪنري افتخار باجوا کي معطل ڪري ڇڏيو، معطلي بعد ايس ايڇ او افتخار باجوا چارج ڇڏي روانو ٿي ويو ۽ ڪنري ٿاڻي جي عارضي چارج سب انسپيڪٽر شير محمد خاصخيلي حوالي ڪئي وئي آھي، ٻه ڏينهن اڳ ڪنري ويجهو ٻسٽان ۾ منشيات فروش مڪيش مالھي جي جڳھ تي لکين رپين جي منشيات هٿ آئي هئي جنھن تي گذريل ڏينهن ايس پي عمرڪوٽ پريس ڪانفرنس ڪري انڪوائري جو چيو هو، انڪوائري بعد ايس ايس پي عمرڪوٽ عذير احمد ميمڻ ڪنري جي ايس ايڇ او افتخار باجوا کي معطل ڪري ڇڏيو. ذريعن موجب ايس ايڇ او ڪنري افتخار باجوا جي آشيرواد سان مڪيش مالھي ڪنري ۽ آس پاس وارن علائقن ۾ سري عام منشيات هلائيندو هو.