دوڙ ڀرسان حادثي ۾ ڪراچي واسي ڀيڻ ڀاءُ فوت، 10زخمي

دوڙ (رپورٽر) دوڙ شھر لڳ مهراڻ هاءِ وي تي جلب سي اين جي وٽ ڪار ۽ وين وچ ۾ خوفناڪ سخت ٽڪر ٿي پيو آهي، جنهن جي نتيجي ۾ 2 ڄڻا ڀيڻ ڀاءُ فوت ٿي ويا ، جڏهن ته 10کان وڌيڪ مسافر زخمي ٿي پيا ، فوتين جي سڃاڻپ 40 سالا وقاص ۽ 34 سالا شفق آرائين طور ٿي آهي جيڪي ڪراچي جي ڪورنگي واري علائقي جا رھواسي ٻڌايا پيا وڃن جڏهن ته زخمين ۾، اقبال، سلمان، معشوق، دادلي، زاهده، نوگاني، بشير احمد لاڙڪ، امان الله کوکر، شاهد حسين ۽ ٻيا شامل هئا، حادثي کان پوءِ علائقي ۾ خوف ۽ هراس پکڙجي ويو آهي. اطلاع ملندي ئي پوليس، ريسڪيو ٽيمون ۽ وڏي انگ ۾ شهري واقعي واري هنڌ ۽ آسپتال پهچي ويا فوتين جا لاش ۽ زخمين کي فوري طور دوڙ اسپتال منتقل ڪيو ويو آهي، جتي کين طبي امداد فراهم ڪئي پئي وڃي. جڏهن ته 5 کان وڌيڪ زخمين کي ڳڻتي جوڳي حالت ۾ نوابشاھ اسپتال منتقل ڪيو ويو آهي