عمرڪوٽ جي شو مندر ۾ عورتن جي عالمي ڏهاڙي تي تقريب منعقد

269 views | 08th Mar 2026 • سنڌي خبرون

عورت معاشري جو بنياد آھي ۽ عورت جي ترقي کان سواءِ معاشري جي ترقي ممڪن ئي ناھي: جنت قائمخاني

عمرڪوٽ جي شو مندر ۾ عورتن جي عالمي ڏهاڙي تي تقريب منعقد

عمرڪوٽ (رپورٽ:ڪانجي مل رکيسر) سول سوسائٽي سپورٽ پروگرام جي طرفان عورتن جي عالمي ڏينھن جي موقعي تي شوو مندر عمرڪوٽ ۾ ھڪ تقريب منعقد ڪئي وئي. تقريب ۾ عورتن جي حقن، تعليم ۽ بااختياري بابت آگاھي ڏيڻ تي زور ڏنو ويو. ان موقعي تي ڊسٽرڪٽ وومين گروپ جي صدر جنت قائمخاني مختصر خطاب ڪندي چيو ته عورت معاشري جو بنياد آھي ۽ عورت جي ترقي کان سواءِ معاشري جي ترقي ممڪن ئي ناھي. ھن چيو ته عورتن کي تعليم، صحت ۽ بااختيار بڻجڻ جا موقعا فراھم ڪرڻ اسان سڀني جي گڏيل ذميواري آھي. ھن وڌيڪ چيو ته عورتن جي حقن جي تحفظ ۽ سندن سماجي ۽ معاشي ترقي لاءِ سڀني کي گڏجي ڪم ڪرڻو پوندو، ته جيئن ھڪ بااختيار ۽ خوشحال معاشرو قائم ڪري سگھجي.