شهدادپور ڀرسان ڳوٺ کٻڙ کاهو واسين جو پي پي ايل انتظاميه ۽ بااثرن خلاف ڌرڻو

ڳوٺاڻن سوئي گئس اسٽاپ وٽ رڪاوٽون وجهي ڌرڻو هنيو، مختلف شهرن ڏانهن ويندڙ ٽريفڪ معطل، گاڏين جون قطارون لڳي ويون

شهدادپور (رپورٽر) شهدادپور جي ڳوٺ کٻڙ کاهو واسي ڳاها برادري طرفان پي پي ايل انتظاميه ۽ بااثرن جي زيادتين خلاف ڪَنڊو ڳاهو، گلاب ڳاهو ۽ شعيب ڳاهو جي اڳواڻي ۾ سوئي گئس اسٽاپ تي رڪاوٽون وجهي ڌرڻو هنيو ويو جنهن سبب هالا، حيدرآباد، ڀٽ شاهه سميت مختلف شهرن ڏانهن ويندڙ ٽرئفڪ معطل، گاڏين جون قطارون لڳي ويون مظاهرين پاران پي پي ايل تيل ڪمپني انتظاميه ۽ بااثرن تي زرعي زمين تي قبضي جي ڪوشش ۽ فصلن کي نقصان پهچائڻ جو الزام، سندن چوڻ هو ته ليز تي زرعي زمين ڏيڻ کان انڪار تي پي پي ايل انتظاميه سندن زمين تي کڏا کوٽي پوکيل فصلن کي نقصان پهچايو آهي سال 2012ع ۾ پي پي ايل انتظاميه پلانٽ لاءِ سندن 2 ايڪڙ زرعي زمين ليز تي ورتي هئي، هاڻ وڌيڪ زمين ڏيڻ لاءِ دٻاءُ وڌو پيو وڃي، انڪار ڪرڻ تي زمين تي کڏا کوٽي فصل تباهه ڪيا ويا آهن اسان وڌيڪ پنهنجي زرعي زمين ليز تي نه ٿا ڏيڻ چاهيون پر پي پي ايل انتظاميه زبردستي زمين کسڻ چاهي ٿي پي پي ايل انتظاميه طرفان مُنير سيال ۽ عثمان مغل، بااثر موهن داس ۽ وشن گير ديوان جي چُرچ تي زمينن تي قبضا ڪري ساڻن زيادتيون ڪري رهيا آهن نوٽيس وٺي پي پي ايل انتظاميه ۽ بااثرن خلاف قانوني قدم کڻي زمين تان قبضا ختم ڪري فصلن جي نقصان جو ازالو ڪيو وڃي