نوشهروفيروز ۾ ماءُ ۽ ٻار جي صحت بابت شعور اُجاگر ڪرڻ لاءِ عورتن جا معائنا ڪيا ويا

نوشهروفيروز(ڊر)ماءُ ۽ ٻار جي صحت بابت شعور اُجاڳر ڪرڻ لاءِ عورتن جا معائنا ڪيا ويا. ورلڊ پاپوليشن ڊي جي حوالي سان چئن ميگا ڪيمپن جو انعقاد ڪيو ويو، وزير پاپوليشن محترمه عزرا پيچوهو صاحبه ۽ سيڪريٽري پاپوليشن حفيظ اللٌه عباسي جي خاص هدايتن تي ڊسٽرڪٽ پاپوليشن ويلفيئر آفيسر نوشهرو فيروز وريام مير جت جي نگرانيءَ ۾ ضلعي نوشهرو فيروز اندر آر ايڇ ايس اي سول اسپتال نوشهرو فيروز، آر ايڇ ايس اي تعلقه اسپتال مورو، فلائي مرڪز تعلقه ڀريا، فلائي مرڪز تعلقه ڪنڊيارو ڪيمپن دوران پاپوليشن ويلفيئر کاتي جي ماهر ڊاڪٽرياڻين پاران خانداني منصوبابندي (ڄم روڪ) جي جديد طريقن بابت آگاهي فراهم ڪئي وئي، جڏهن ته Jadelle ۽ ڪاپر-ٽي (Copper-T) جا ڪيس پڻ ڪيا ويا. ان موقعي تي ڏورانهن علائقن مان آيل عورتن جو مفت طبي معائنو ڪيو ويو ۽ کين ضروري دوائون پڻ مفت فراهم ڪيون ويون. ڪيمپن جو مقصد عوام ۾ خانداني منصوبابندي، ماءُ ۽ ٻار جي صحت بابت شعور اجاگر ڪرڻ ۽ معياري صحت جون سهولتون عام ماڻهن تائين پهچائڻ هو.