ٺٽو( محمد شفيق ڀٽي)عوامي پريس ڪلب ٺٽو جي جنرل باڊيءَ جو اهم اجلاس صدر جي صدارت هيٺ منعقد ٿيو، جنهن ۾ ميمبرن گڏيل مشاورت سان تنظيمي معاملن بابت ڪيترائي اهم فيصلا ڪيا. اجلاس دوران عهديدارن ۾ واڌ ۽ ردوبدل ڪندي ثناءُ الله سمون، علي حيدر سومرو ۽ شعيب ناريجو کي نائب صدر مقرر ڪيو ويو. جڏهن ته مڪيش ديو کي اقليتي معاملن جو سربراهه، دادا اقبال ڪنڀار کي ڊپٽي سيڪريٽري ۽ ايم ايڇ ڪنڀار کي آفيس سيڪريٽري مقرر ڪرڻ جي منظوري ڏني وئي. اجلاس ۾ راشد علي جوکيو جي غير ذميواراڻي رويي ۽ پريس ڪلب جي ساک کي نقصان رسائڻ جي الزام هيٺ سندس ميمبرشپ ختم ڪرڻ جو فيصلو ڪيو ويو. ان کان علاوه حفيظ نهڙيو ۽ آڪاش ڀٽو جي ميمبرشپ 15 ڏينهن لاءِ معطل ڪئي وئي. اجلاس ۾ اي بي شورو، مجاهد واريو، ممتاز علي سميجو، عدنان سمون، ڪامريڊ زاهد جوکيو، منظور پالاري، ممتاز علي سمون، شبير مانجهند، ستار سومرو، رشيد سولنگي، عاشق سولنگي، مختيار جان چانڊيو ۽ مير مقبول خاصخيلي کي شوڪاز وارننگ جاري ڪندي هدايت ڪئي وئي ته هو لکت ۾ وضاحت پيش ڪن ته هو جنرل باڊي جي اجلاس ۾ ڇو شريڪ نه ٿيا ۽ اڳواٽ پنهنجي غيرحاضري بابت ڪوبه اطلاع ڇو نه ڏنو. اجلاس ۾ ان ڳالهه تي زور ڏنو ويو ته پريس ڪلب جي آئين، ضابطن ۽ تنظيمي نظم و ضبط تي سختي سان عملدرآمد يقيني بڻايو ويندو ۽ مستقبل ۾ غير ذميواري يا تنظيمي اصولن جي ڀڃڪڙي برداشت نه ڪئي ويندي.
0 تبصرے