ريجنل ڊائريڪٽر محتسبِ اعليٰ سنڌ ٺٽي پاران کليل ڪچهري منعقد

حاضر سروس ۽ رٽائرڊ سرڪاري ملازمن پنهنجي مالي، پينشن ۽ سروس سان لاڳاپيل مسئلا پيش ڪيا

سجاول (رپورٽر)سجاول ۾ محتسبِ اعليٰ سنڌ جي حڪمن تي ريجنل ڊائريڪٽر محتسبِ اعليٰ سنڌ ٺٽي پاران کليل ڪچهري منعقد ڪئي وئي.محتسبِ اعليٰ سنڌ جي هدايتن تي ريجنل ڊائريڪٽر محتسبِ اعليٰ سنڌ ٺٽو الطاف حسين لغاري پاران ڊسٽرڪٽ اڪائونٽس آفيس سجاول ۾ کليل ڪچهري منعقد ڪئي وئي. کليل ڪچهري دوران حاضر سروس ۽ رٽائرڊ سرڪاري ملازمن پنهنجي مالي، پينشن ۽ سروس سان لاڳاپيل مسئلا پيش ڪيا. ريجنل ڊائريڪٽر الطاف حسين لغاري درخواستگذارن جون شڪايتون ٻڌڻ کان پوءِ ڪيترن ئي مسئلن کي موقعي تي ئي حل ڪري ڇڏيو. ان موقعي تي اسسٽنٽ رجسٽرار محمد حنيف، ڊسٽرڪٽ اڪائونٽس آفيسر غلام قادر ميمڻ، ايڊيشنل ڊسٽرڪٽ اڪائونٽس آفيسر حسن جان چنگيزي، شاهد علي پنهور، محمد بخش ميمڻ، رميش ڪمار، شھزاد سومرو، مسز سپنا ۽ ٻين لاڳاپيل آفيسرن ۽ ملازمن پڻ شرڪت ڪئي.