ملير پاڪستان خاصخيلي اتحاد ۽ زاره بلڊ بئنڪ پاران بلڊ ڪيمپ قائم

يوسي ريڙهي جي صديق خاصخيلي ڳوٺ ۾ هڪ ڏينھن واري بلڊ ڊونيشن ڪيمپ منعقد ڪئي وئي

ملير (عبدالرشيد مورجھريو) پاڪستان خاصخيلي اتحاد ۽ زاره بلڊ بئنڪ جي گڏيل سهڪار سان يوسي ريڙهي جي صديق خاصخيلي ڳوٺ ۾ هڪ روزه رت عطيو بلڊ ڊونيشن ڪيمپ منعقد ڪئي وئي، جنهن ۾ علائقي جي نوجوانن وڏي تعداد ۾ شرڪت ڪندي رضاڪارانه طور تي رت عطيو ڪيوان موقعي تي خطاب ڪندي اڳواڻن چيو ته هن بلڊ ڊونيشن ڪيمپ جو مقصد سامونڊي پٽي ڪوسٽل بيلٽ ۾ رهندڙ مهاڻن ۽ ٻين ضرورت مند ماڻهن کي وقت سر رت جي فراهمي يقيني بڻائڻ آهي. هنن چيو ته پاڪستان خاصخيلي اتحاد رنگ، نسل ۽ قوميت کان مٿانهون ٿي انسانيت جي خدمت تي يقين رکي ٿو ۽ مستقبل ۾ به اهڙيون فلاحي سرگرميون جاري رکيون وينديون تقريب ۾ پاڪستان خاصخيلي اتحاد ڪراچي ڊويزن جي ڪوآرڊينيٽر ڊاڪٽر غلام حيدر خاصخيلي، سماجي اڳواڻ نور محمد رونجھو، محمد ايوب خاصخيلي، عبدالجبار خاصخيلي، عابد خاصخيلي، ڪائونسلر عزيز خاصخيلي، عنايت الله خاصخيلي، غلام مصطفيٰ خاصخيلي سميت ٻين معزز شخصيتن ۽ شهرين شرڪت ڪئي.شرڪت ڪندڙن هن قدم کي انسان دوستي ۽ سماجي خدمت جو بهترين مثال قرار ڏيندي زور ڀريو ته اهڙن فلاحي پروگرامن جو سلسلو مستقبل ۾ به جاري رکيو وڃي