قاضي احمد واسي مغوي 2مهينا گذرڻ باوجود بازياب نه ٿي سگهيو

123 views | 03rd Aug 2023 • سنڌي خبرون

صابر گبول جي بازيابي لاءِ پوليس ڪي قدم نه کنيا: وارث

قاضي احمد: قاضي احمد جي ڳوٺ عرس گبول مان شادي جو آسرو ڏئي عورتاڻي آواز تي ھرکائي ڌاڙيلن ھٿان اغوا ٿي ويل مغوي نوجوان صابر گبول 2 مھين کان وڌيڪ عرصو گذرڻ باوجود اڃا تائين بازياب ٿي واپس گھر پھچي ناھي سگھيو مغوي نوجوان جا گھر ڀاتي بيوسي لاچاري توڙي سندن جي ڪنهن به ڌر پاران پٽ جي بازيابي لاء مدد نه ڪرڻ تي مايوس ٿي اباڻا ڪک ڇڏي آلين اکين سان لڏ پلاڻ ڪري دوڙ منتقل ٿي ويا آھن مغوي صابر گبول جي پيُ ساماڻو گبول پٽ جي جدائي ۾ لڙڪ هاريندي چيو ته ڇا ڌاڙيل رياست کان طاقتور آھن پوليس توڙي تر جي ڪنهن به بااثر سردار چڱي مڙس اسان جي ڪا به مدد نه ڪئي آھي غريب مسڪين آھيون کائڻ لاء اٽو به ناهي هن وڏي وزير سيد مراد علي شاھ ۽ آء جي پوليس سنڌ کان گهر مطالبو ڪيو آھي ته خدا جي واسطي منهنجي پٽ کي ڌاڙيلن جي چنبي مان بازياب ڪرائي بيچيني ختم ڪرائي وڃي