ڪشمور ضلعي ۾ اکين جو وائرس تيزي سان پکڙجڻ لڳو

views | 05th Oct 2023 • سنڌي خبرون

اڪثر عورتون ٻارڙا ٻڍا توڙي نوجوان اکين جي وائرس سبب تڪليفن۾ مبتلا

ڪشمور (دلبر جاني) ڪشمور ضلعي ۾ به اکين جي بيماري پهچي وئي پوڙها جوان توڙي ننڌڙا ٻار مبتلا ٿي ويا، صحت کاتو اگهور ننڊ ستل پنهنجي روايت مطابق هيلٿ جي بجيٽ ڊيوٽي جي نالي تي پگهار هضم ڪرڻ ۾ مصروف ٿي بي خبر بڻجي ويا پوڙها توڙي جوان مرد عورتون اکين جي بيماري ۾ مبتلا اکين ۾ سور اکيون ڳاڙھيون ۽ اکين مان پاڻي اچڻ جون پڻ شڪايتون جڏهن هيلٿ کاتي ضلعي ڪشمور جون مڪمل سرڪاري اسپتالون عوام لاء بي فائده بڻيل سابقه ڊي سي ڪشمور سياسي سپورٽ تي عوام مٿان عذاب جي روپ ۾ آيل منور مٺياڻي ضلعي ڪشمور جي هر کاتي کي تباه ڪري عوام کي عذاب ۾ مبتلا ڪري ڇڏيو جڏهن ته شھرين جي اسپتال ۾ مقرر ڊاڪٽر پنهنجي پرائيويٽ اسپتالن ۾ ڪم ڪرڻ لڳا ۽ ٻھراڙي جون اسپتاون مڪمل بند پيل جڏهن ته پرائيويٽ ڪلينڪن طرفان اکين جي بيماري جون دوائون ڊراپس بليڪ تي وڪرو ڪرڻ لڳا واضع رهي ته ڪشمور ضلعي ۾ جنهن جي سخت ضررت ٿيندي آ ته منافعي خور مافيا ان شيء جو هٿرادو بهران پيدا ڪري مجبوري جو فائدو وٺي من پسند ريٽ وٺندا آھن تازو ئي سارين جي فصل ۾ جيت جي بيماري ايندي ئي 24 سو واري زهر جي ٿيلهي پنج هزار تي وڪرو ڪرڻ لڳا ان کان اڳ ۾ بخار جي وبا وقت هڪ روپيه واري پيناڊول ٽيليٽ ڏه روپيه ڪري ڇڏي جيڪا اڄ تائين هلي رهي آھي مليريا جي وبا وقت مليريا جيجا ڊوز اڻ لڀ ڪري ڇڏيا ۽ برسات جي وقت به شاپر جي نالي تي عوام کي ٻنهي هٿن سان لٽيو ويو نئين آيل ڊي سي ڪشمور ايٽ ڪنڌڪوٽ کي نوٽيس وٺڻ جي اپيل