پولیو ورکر کو جنسی طور پر ہراساں کرنے پر ايک شخص گرفتار

141 views | 06th Oct 2023 • سندھ

پولیو ٹیم رہائشی عمارت میں داخل ہوئی جہاں پانچویں منزل پر موجود کچھ افراد نے خاتون کو ہراساں کیا۔

کراچی: کراچی کے علاقے لیاری میں پولیو ورکر کو ہراساں کرنے والے شخص کو گرفتار کرلیا گیا۔

ڈی آئی جی ساؤتھ کے مطابق لیاری کی لیاقت کالونی میں خاتون پولیو ورکر کو ہراساں کیا گیا۔

پولیو ٹیم رہائشی عمارت میں داخل ہوئی جہاں پانچویں منزل پر موجود کچھ افراد نے خاتون کو ہراساں کیا۔

واقعے کے بعد ایک شخص کو گرفتار کر لیا گیا ہے۔ ابتدائی طور پر بتایا گیا کہ سیکیورٹی ٹیم کے ساتھ موجود نہیں تھی۔

تحقیقات کی جارہی ہیں کہ سیکیورٹی ٹیم پولیو ورکرز کے ساتھ کیوں نہیں تھی۔

خاتون پولیو ورکر کو ہراساں کرنے والے شخص کو گرفتار کر کے تھانہ کلی منتقل کر دیا گیا ہے۔