ميرپورخاص ۾ مختلف علائقن جي رھواسين جو بجلي جي بندش خلاف احتجاجي مظاھرا

حيسڪو انتظاميه پاران ميرپورخاص جي ماڻھن کي ٺلا آسراڏئي بجڪلي ڪاٽي ڇڏي آھي: مظاھرين

ميرپورخاص( بيورو رپورٽ) ميرپورخاص جي علائقي عمرڪوٽ روڊ ڀٽائي اسپتال لڳ ريلوي ڦاٽڪ وٽ بجلي کان متاثر ڪالونين جنهن ۾ پاڪ ڪالوني بلوچ پاڙا کڏپلاٽ جي رھائشين پاران روڊ تي ٽائرن کي ڀاھيون ڏئي واپڊا عملدارن خلاف ڇتي نعريبازي ڪئي ٽن ڪلاڪن تائين ميرپورخاص کان عمرڪوٽ روڊ بند رھيو ان موقعي تي مڇريل مرد توڙي مائين صحافين کي ٻڌايو تہ حيسڪو انتظاميه پاران ميرپورخاص جي ماڻھن کي ٺلا آسراڏئي شهرين جي لائيٽ ھنڌان ھنڌان ڪاٽي ڇڏي آھي ۽ چون ٿا تي ميرپورخاص واسين کي فري لوڏشٽنگ ڪيو ويندو پر اسان جي علائقن ۾ اڄ ھڪ ھفتي کان بجلي ڪٽيل آھي ٽرانس فارم سڙيلن کي ڪير ھٿ تائين نٿو لڳائي اسان ويتر ويل ۾ آھيون ھنن چيو ته اسان جي گھرن ۾ پاڻي ناھي وضو ڪرڻ لاء پريشان آھيون پيئڻ لاء پاڻي ناھي واپڊا جي ڏنل ٽاسڪ جنھن ۾ علائقن کي اسڪور ڪرائڻ واري پاليسي ميرپورخاص واسين لاء آزار بڻجي وئي بجلي کان متاثر مرد عورتن جو ڪئي ڪلاڪ روڊ بند ھئڻ ڪرڻ اچ وڃ جي ٽريفڪ جون ڪتارون لڳي ويون ان دوران حيسڪو اهلڪارن پاران ڪير بہ موقعي تي لڙي ڪون آيو حد پوليس مڇريل ماڻھن جي منٿ ميڙ بعد روڊ کولرايو موقعي تي موجود متاثرن چيو تہ ڪالھ تائين بجلي بحال نه ٿي ته ٻيھر روڊ بند ڪري احتجاج ڪندا سئين.