نوشهروفيروز: ڊي سي محمد ارسلان سليم جي صدارت هيٺ ضلعي ڊزاسٽر مئنيجمينٽ اٿارٽي جو اجلاس

نوشهروفيروز: ڊي سي محمد ارسلان سليم جي صدارت هيٺ ضلعي ڊزاسٽر مئنيجمينٽ اٿارٽي جو اجلاس

نوشهروفيروز (ڊ ر) ڊپٽي ڪمشنر محمد ارسلان سليم جي صدارت هيٺ ضلعي ڊزاسٽر مئنيجمينٽ اٿارٽي جو اجلاس ٿيو. اجلاس کي بريفنگ ڏيندي يونائيٽيڊ نيشنز ڊولپمينٽ پروگرام (يو اين ڊي پي) جي مئنيجر شوري رحمان ٻڌايو ته يو اين ڊي پي سنڌ حڪومت سان هڪ معاهدو ڪيو آهي، جنهن موجب سنڌ جي ٽن ضلعن نوشهروفيروز، ڄامشوري ۽ ٺٽو کي قدرتي آفتن کان بچائڻ لاءِ قدم کڻڻ ۽ بحالي لاء ضلعي جي سرڪاري ۽ سماجي ڀلائي جي تنظيمن جي رابطي لا۽ ضلع سطح تي ڊيش بورڊ تيار ڪيو ويندو ۽ لاڳاپيل کاتن وٽ موجود مشينري ۽ ٻين وسيلن جو جائزو وٺڻ لاءِ لاڳاپيل کاتن ۽ غير سرڪاري فلاحي تنظيمن سان رابطو ڪيو ويندو ته جيئن بچاءَ جا قدم کنيا وڃن ۽ بحاليءَ لاءِ قدم کنيا وڃن. ان موقعي تي ڊپٽي ڪمشنر سمورن کاتن جي سربراهن کي هدايت ڪئي ته مشينري جي لسٽ تيار ڪري ڊپٽي ڪمشنر آفيس ۾ جمع ڪرائين ۽ سمورا ادارا ڪميونيڪيشن لاءِ پنهنجا فوڪل پرسن مقرر ڪن. اجلاس ۾ آبپاشي کاتي، لوڪل گورنمينٽ، صحت، سول ڊفينس ۽ ٻين کاتن جي سربراهن شرڪت ڪئي.