ڀاڻ جي ھٿرادو کوٽ پيدا ڪري بليڪ تي وڪرو ڪيو پيو وڃي: سنڌو نواز گھانگھرو

146 views | 29th Nov 2023 • سنڌي خبرون

ڀاڻ جي ھٿرادو کوٽ پيدا ڪري بليڪ تي وڪرو ڪيو پيو وڃي: سنڌو نواز گھانگھرو

نوشهرو فيروز (ڊر) سنڌ يوٿ ايڪشن ڪميٽي جي اڳواڻ سنڌو نواز گھانگھرو، حمز علي چانڊيو، نويد راڄپر، شان علي کوسو، اسد چانڊيو ۽ ٻين سان گڏ پريس ڪلب نوشهروفيروز ۾ پريس ڪانفرس ڪندي چيو آھي ته انتظاميه ۽ ڀاڻ ڊيلرن جي ملي ڀڳت سان عام آبادگار پريشان آھن. ڪڻڪ جو پوکي ڀاڻ نه ملڻ جي ڪري متاثر ٿي رھي آھي. ھن محرابپور ٽائون ڪاميٽي جي چيئرمين حاجي جاويد ميمڻ ۽ سندس ڀائرن تي الزام هڻندي چيو ته ھو سڄي سنڌ جا وڏي ۾ وڏا ڀاڻ ڊيلر آھن ۽ نوشھروفيروز سميت سڄي سنڌ ۾ بليڪ مارڪيٽنگ ڪري ھٿرادو کوٽ پئدا ڪئي وئي آهي. ھنن وڌيڪ چيو ته ضلع انتظاميه ڀاڻ ڊيلرن سان ڀاڱي ڀائيوار آھن. مرحلي وار تحريڪ ھلائڻ باوجود ڪوبه نوٽيس نه ٿو ورتو وڃي. جنھن ڪري مجبورن جمع ڏينھن ڪنڊيارو قومي شاهراھ تي ڌرڻو ھنيو ويندو.