نوشھروفيروز ۾ ڊي سي محمد ارسلان سليم پاران پوليو مھم جو افتتاح

153 views | 24th Nov 2023 • سنڌي خبرون

نوشھروفيروز ۾ ڊي سي محمد ارسلان سليم پاران پوليو مھم جو افتتاح

نوشهروفيروز (ڊ ر) ڊپٽي ڪمشنر محمد ارسلان سليم اڄ سول اسپتال نوشهروفيروز ۾ 27 شروع ٿيندڙ پنج ڏينهن واري پوليو کان بچاء جي مهم جو افتتاح ڪيو. ان موقعي تي هن سول اسپتال ۾ قائم پوليو ڪائونٽر تي ٻارن کي پوليو جا ڦڙا پياريا ۽ ضلعي هيلٿ آفيسر ڊاڪٽر اسدالله ڪلهوڙي کان پوليو مهم جي انتظامن بابت آگاهي حاصل ڪئي. بعد ۾ سول اسپتال ۾ پوليو خلاف آگاهي پيدا ڪرڻ لاءِ واڪ ۾شرڪت ڪئي، جنهن ۾ ڊي ايڇ او ڊاڪٽر اسدالله ڪلهوڙو، ايم ايس سول اسپتال ڊاڪٽر خادم حسين منڱريو، ڊاڪٽر غلام علي، ڊاڪٽر لبنيٰ علي، ڊاڪٽر سعید احمد جلباڻي، ڊاڪٽر حاڪم جوکيو، ڊاڪٽر عارف بوھيو ۽ پوليو ورڪرز شرڪت ڪئي. ان موقعي تي ميڊيا سان ڳالهائيندي ڊپٽي ڪمشنر چيو ته نوشهروفيروز ضلعي ۾ پوليو خلاف مهم شروع ڪئي پئي وڃي، جنهن ۾ پنجن سالن کان گهٽ عمر جي ٻارن کي پوليو جا ڦڙا پياريا ويندا. هن چيو ته ميڊيا کي عوام ۾ شعور پيدا ڪرڻ لاءِ پنهنجو ڀرپور ڪردار ادا ڪرڻ گهرجي. هن چيو ته صحت کاتي جا ڊاڪٽر ۽ پوليو ٽيمون سرگرم آهن ۽ سمورا انتظام مڪمل ڪيا ويا آهن، هن والدين کي اپيل ڪئي ته هو مهم دوران پنهنجي ويجهن سينٽرن تي وڃي پنهنجي ٻارن کي پوليو جا ٻه ڦڙا ضرور پيارن.۽ گھر گھر ايندڙ پوليو ٽيمن سان تعاون ڪن.