جاتي ۾ نينگر کي اغوا بعد بدفعلي جو نشانو بڻائڻ واري واقعي جو ايس ايس پي سجاول شھلا قريشي پاران نوٽيس

215 views | 19th Dec 2023 • سنڌي خبرون

جاتي ۾ نينگر کي اغوا بعد بدفعلي جو نشانو بڻائڻ واري واقعي جو ايس ايس پي سجاول شھلا قريشي پاران نوٽيس

سجاول (گلشيرميربحر) ڪجھ ڏينهن اڳ جاتي تعلقي جي رھواسي معصوم نينگر 12 سالا ضمير ولد بچل ملاح کي اغوا ڪري زيادتي ڪرڻ واري واقعي جو ايس ايس پي سجاول شھلا قريشي نوٽيس وٺندي متاثر نينگر ضمير ملاح جي وارثن کي ايس ايس پي سجاول آفيس ۾ گھرائي روبرو مؤقف ٻڌو ۽ فوري طور ملوث جوابدارن کي گرفتار ڪرڻ جي وارثن کي خاطري ڪرائي, ان دوران ايس ايڇ او جاتي ربنواز پٺاڻ ,متاثر نينگر ضمير ملاح جو والد بچل ملاح, ملاح اڳواڻ سوشل ورڪر آڪاش ٻاگھل صحافي سليم ملاح. اميرالبحر ويلفيئر آرگنائزيشن جاتي سجاول ,حنيف ملاح, عارب ملاح. عارب ملاح ڊاڪٽر نوراحمد ملاح, ملڪ صديق ملاح.غلام حسين ملاح .احمد ملاح پڻ موجود ھئا ان دوران ملاح برداري جي اڳواڻن جو چوڻ ھو تہ ضمير ملاح سان ڏاڍائي ڪندڙن کي قانون جي ڪٽهڙي ۾ ڏسڻ تائين سک سان نہ ويھنداسين اسان ايس ايس پي سجاول شھلا قريشي جا شڪر گذار آهيون جنھن سختي سان واقعي جو نوٽيس ورتو آھي پوء جيڪڏهن جوابدار گرفتار نہ ٿيا تہ احتجاج ڪيا ويندا