جيڪب آباد ۾ قمبراڻي - معرفاڻي خوني تڪرار جو جرڳو، 9 قتل ثابت، 2 ڪروڙ 73 لک ڏنڊ

معرفاڻي ڌر جي خون جي بها 25 لک ۽ قمبراڻي ڌر جي في خون جي بها 35 لک مقرر

جيڪب آباد (رپورٽر) خوني جهيڙي جو فيصلو 9 قتل ثابت، 2 ڪروڙ 73 لک روپين جو جرمانو رکيو ويو، جيڪب آباد ۾ قمبراڻي ۽ معرفاڻي برادري جي ٻن ڌرين ۾ خوني جهيڙي جو فيصلو مولا داد ۾نور رحمان جکراڻي جي بنگلي تي برهان چانڊيو، بابل ڀيو، شفقت جکراڻي جي سرپنچي ۾ ٿيو، فيصلي ۾ ڌرين جون ڳالهيون ٻڌيون ويون، مشورن سان فتوي تيار ڪئي وئي، فتويءِ مطابق معرفاڻي برادري تي 6 قتل ۽ 2 زخمي ثابت ٿيا ۽ قمبراڻي برادري تي 3 قتل ۽ 2 زخمي ثابت ٿيا،هڪ قتل 25 لک روپيا جرماڻو لاڳو ڪيو، جڏهن قمبراڻي برادري جي معزز ڏيول قمبراڻي جي پٽ ۽ ڀائيٽي جو خون 35 لک روپيا جرمانو رکيو ويو، معرفاڻي تي 6 خون ۽ 2 زخمين تي هڪ ڪروڙ 84 لک 50 هزار روپيا مقرر ٿيا، جڏهن ته قمبراڻي برادري تي 3 خون ۽ 2 زخمين جي 89 لک مقرر ڪيا ويا، ٻنهي ڌرين تي 2 ڪروڙ 73 لک 50 هزار روپيا جرمانو مقرر ٿيو، جڏهن ته ڏيول قمبراني جي وڏي ممتاز جکراڻي جي چوڻ تي 20 لک روپيا معاف ڪري معرفاڻي برادري کي 89 لک روپيا 75 لک روپيا 50 هزار3 قسطن ۾ ادا ڪندا، فيصلي سان ٻئي ڌريون کير کنڊ ٿي ويون.