ناليوارو آبپاشي ماھر محمد يعقوب سولنگي جو مڙھھ اباڻي قبرستان ۾ مٽيءَ ماءُ حوالي

نوشهرو فيروز(ڊ ر) ضلعي نوشهرو فيروز جو ناليوارو آبپاشي ماهر محمد يعقوب سولنگي 98 سالن جي عمر ۾ لاڏاڻو ڪري ويو، کيس اباڻي قبرستان ڪوڙي جا ڀاڻ ۾ مٽيءَ ماءُ حوالي ڪيو ويو سندس آخري رسمن ۾ سوين ماڻهن شرڪت ڪئي مرحوم گڏيل هندستان دوران 1945ع ۾ بمبئي يونيورسٽي مئٽرڪ ڪئي ۽ مسلم شاگردن ۾ پهرين پوزيشن حاصل ڪئي هئي جڏهن ته انٽر ڊي جَي سائنس ڪاليج ڪراچي مان 1947ع ۾ ڪرڻ بعد اين اي ڊي انجنيئرنگ ڪاليج مان 1953ع ۾ سول انجنيئرنگ ڪرڻ بعد آبپاشي کاتي ۾ 33 سال نوڪري ڪري 1986ع ۾ چيف انجنيئر جي پوسٽ تي ريٽائرمينٽ حاصل ڪئي، سندس پونئيرن ريٽائرڊ استاد مولوي عبدالحق، پروفيسر خليل احمد سولنگي، ڊسٽرڪٽ انفارميشن آفيسر دادو عبداللطيف سولنگي، امان اللّٰه سولنگي، عبداللّٰه سولنگي، ڊاڪٽر سعيد احمد سولنگي ۽ ٻين سان تعزيت جو سلسلو جاري آھي.