پيپلزپارٽي ملير ۾ تنظيمي ڇڪتاڻ شدت اختيار ڪري وئي, يوسي شاهه لطيف جي عهديدارن کي هٽائي نئين عبوري ڪميٽي مقرر
سلمان عبدالله مراد پاران عهديدارن کي معطل ڪرڻ باوجود ڪجهه ماڻھن جي مداخلت تي سخت قدم کنيو ويو
ملير (رپورٽ: عبدالرشيد مورجھريو) پاڪستان پيپلزپارٽي ضلع ملير اندر جاري تنظيمي بحران نئين مرحلي ۾ داخل ٿي ويو آهي، جڏھن ته ضلعي صدر عبدالرزاق راجا يو سي شاهه لطيف ۾ اختيارن جي مبينا غلط استعمال جو نوٽيس وٺندي اڳوڻن عهديدارن کي هٽائڻ بابت باضابطه حڪم جاري ڪري ڇڏيو آهي نوٽيفڪيشن موجب اڳوڻي ضلعي صدر سلمان عبدالله مراد طرفان عهديدارن کي معطل ڪرڻ باوجود ڪجهه ماڻھن جي مبينا غيرجواز مداخلت تي سخت قدم کنيو ويو آهي، جنهن تحت يو سي شاهه لطيف جي نئين باڊي جي اعلان تائين پارٽي معاملن جي نگراني لاءِ هڪ عبوري ڪميٽي جوڙِي وئي آهي. ڪميٽي ۾ چن ذيب، رستم هنڱورو (چئرمين) ۽ رانا پرويز شامل آهن، جيڪي روزاني پارٽي معاملن کي ڏسندا.ضلعي صدر عبدالرزاق راجا واضح هدايت ڪئي آهي ته ڪميٽي جي موجودگي ۾ ڪو به شخص ڌرڻو وٺي اختيار استعمال نه ڪندو ۽ نه ئي پاڻمرادو فيصلا ڪندو، ٻي صورت ۾ اهڙو عمل سنگين تنظيمي خلاف ورزي تصور ڪيو ويندو۔نوٽيفڪيشن جون ڪاپيون پيپلزپارٽي سنڌ جي مرڪزي قيادت، ڪراچي ڊويزن، جنرل سيڪريٽري، انفارميشن سيڪريٽري ۽ پي ايس86 جي ذميوارن ڏانهن پڻ موڪلي ويون آهن، جن کان عملدرآمد يقيني بڻائڻ لاءِ هدايتون جاري ڪيون ويون آهن۔