جتوئي ڀائر نوشهروفيروز جي سيشن ڪورٽ ۾ پيش، ٻڌڻي 15 آڪٽوبر تائين ملتوي
اڳوڻو وفاقي وزير غلام مرتضيٰ جتوئي ۽ مسرور خان جتوئي اي ٽي سي جو جج بدلي ٿيڻ ڪري سيشن ڪورٽ ۾ پيش ٿيا
نوشهروفيروز (ڊ ر) نوشهروفيروز اڳوڻو وفاقي وزير غلام مرتضي جتوئي ۽ سندس ڀاءُ اڳوڻو صوبائي وزير مسرور خان جتوئي دهشتگردي ٽوڙ عدالت جو جج بدلي ٿيڻ ڪري انچارج جج جي عدالت سيشن ڪورٽ ۾ پيش ٿيا جتي وڪيلن جا دليل ٻڌڻ بعد عدالت سڀني ڪيسن جي ٻڌڻي 15 آڪٽوبر تائين ملتوي ڪري ڇڏي آهي لنجار هائوس ساڙڻ واري ڪيس نمبر 72 ، دادو ضلعي جي اميناڻي ٿاڻي جي هڪ ڪيس ۽ بلاول زرداري قتل ڪيس سميت 7 ڪيسن ۽ ان ۾ پڪي ضمانت لاءِ ڏنل درخواستن جي ٻڌڻي 15 آڪٽوبر تائين ٿي وئي آهي