نوشهروفيروز ۾ فصل جي ڀيل تان سولنگي برادري ۾ جهيڙو، نوجوان قتل، 8 زخمي

نوشهروفيروز (ڊ ر) بينظير ڪالوني ڀرسان فصل جي ڀيل تان سولنگي برادري جي ٻن ڌرين ۾ سخت جهيڙو ٿي پيو، جنهن دوران فائرنگ، لٺين ۽ ڪهاڙين جو آزادانه استعمال ڪيو ويو. نتيجي ۾ 30 ورهين جو نوجوان مظهر علي سولنگي مارجي ويو، جڏهن ته 8 ڄڻا سخت زخمي ٿي پيا. اطلاع ملڻ تي ڊي ايس پي سردار چانڊيو ۽ ايس ايڇ او نوشهروفيروز پوليس ٽيم سان گڏ واقعي واري هنڌ پهتا ۽ ٻنهي ڌرين کي وڌيڪ خونريزي کان روڪي ورتو. شهر ۾ جهيڙي جي خبر پکڙجڻ شرط خوف ۽ هراس جي لهر ڇانئجي وئي، جڏهن ته سوين ماڻهو جهيڙي واري هنڌ پهچي ويا. پوليس ٻنهي ڌرين جا ڪيترائي ماڻهو گرفتار ڪري ٿاڻي تي منتقل ڪري ڇڏيا. زخمين ۾ ظهير حسين، جميل علي، غلام عباس، برڪت علي، عجب، گلڻ محبت، حسين سولنگي ۽ ٻيا شامل آهن.قتل ٿيل ۽ زخمين کي طبي امداد ۽ ضروري قانوني ڪارروائي لاءِ سول اسپتال نوشهروفيروز منتقل ڪرڻ بعد ضروري ڪاروائي بعد لاش وارثن حوالي ڪيو ويو آهي واقعي جو ڪيس اڃا تائين داخل نه ٿي سگهيو آهي.