ٺٽي ۾ انفارميشن آفيسرن جي سينيئر صحافي ۽ ليکڪ حاجن سولنگي جي عيادت

ڊسٽرڪٽ انفارميشن آفيسر محفوظ علي سومرو ۽ سينيئر اسسٽنٽ عبدالشڪور ميمڻ عملي سان گڏ ڳوٺ عارب سولنگي پھتا

ٺٽو( محمد شفيق ڀٽي) ڊسٽرڪٽ انفارميشن آفيسر ٺٽو محفوظ علي سومرو، سينيئر اسسٽنٽ عبدالشڪور ميمڻ ۽ اطلاعات کاتي جي عملي سان گڏ ڳوٺ عارب سولنگي پهچي سينيئر صحافي، نامور ليکڪ، تاريخدان، اديب، دانشور ۽ پريس ڪلب ٺٽي جي ميمبر حاجن سولنگي جي عيادت ڪئي. ان موقعي تي ڊسٽرڪٽ انفارميشن آفيسر محفوظ علي سومرو حاجن سولنگي سان سندس ڳوٺ ۾ پيش آيل تازي افسوسناڪ واقعي ۽ ٿيل نا انصافي تي گهري ڏک ۽ همدردي جو اظهار ڪندي چيو ته اطلاعات کاتو هن ڏکئي وقت ۾ حاجن سولنگي سان گڏ بيٺل آهي ۽ کاتي پاران مالي امداد سميت هر ممڪن سهڪار فراهم ڪيو ويندو. آخر ۾ ڊسٽرڪٽ انفارميشن آفيسر ۽ ساڻس گڏ موجود عملي حاجن سولنگي جي جلد صحتيابي، مڪمل تندرستي ۽ خيريت لاءِ خصوصي دعا پڻ ڪئي.