ملير جو قديم پير سرهندي ڳوٺ مسئلن جي ور چڙھيل

views | 17th Feb 2025 • سنڌي خبرون

گندگي جي ڍيرن ۽ گٽر جي پاڻي سبب رهواسي سخت اذيت ۾ مبتلا

ملير جو قديم پير سرهندي ڳوٺ مسئلن جي ور چڙھيل

ملير(رپورٽر) ملير جو قديم پير سرهندي ڳوٺ مسئلن جي ور چڙھي ويو، گندگي جا ڍير ۽ گٽر جي پاڻي سبب رهواسي اذيت ۾ مبتلا. گڏاپ ٽائون ۽ يوسي اسٽيل ٽائون شڪايتن باوجود تحرڪ نه ورتو. پير سرهندي ڳوٺ جي رهواسين کي انسان ئي نٿو سمجهو وڃي بنيادي مسئلا حل نه ٿيا ته قومي شاھراه تي ڌرڻو هڻنداسين سماجي اڳواڻ نظير جوکيو. افضل جوکيو ۽ ٻين جون صحافين سان ڳالھيون تفصيل موجب قومي شاھراه لڳ آباد ملير جي قديم پير سرهندي ڳوٺ جي سماجي اڳواڻن نظير احمد جوکيو، افضل جوکيو، ۽ ٻين عوامي پريس ڪلب ملير پهچي صحافين کي ٻڌايو ته پير سرهندي ڳوٺ مسئلن جي ور چڙھي ويو آھي ھر طرف گندگي جا ڍير پيل آھن گٽر جي پاڻي سبب سخت اذيت کي منهن ڏئي رهيا آھيون هنن چيو ته گڏاپ ٽائون ۽ يوسي اسٽيل ٽائون شڪايتن باوجود اڃان تائين ڪو به تحرڪ نه ورتو آھي پير سرهندي ڳوٺ جي رهواسين ۾ انتظامي بيحسي تي سخت ڪاوڙ ۽ ڏک جي لھر پکڙيل آھي هنن چيو ته پير سرهندي ڳوٺ جي رهواسين کي انسان ئي نٿو سمجهو وڃي جڏهن ته گڏاپ ٽائون جي بجٽ 4ارب ۽ يوسي جي 12لک آھي تنهن باوجود بنيادي مسئلا حل نه پيا ڪيا وڃن خبر ناهي بجٽ ڪٿي.پئي.خرچ ٿئي هنن چتاءُ ڏيندي چيو ته جيڪڏهن بنيادي مسئلا حل نه ٿيا ته قومي شاھراه تي ڌرڻو هڻنداسين