سجاول ۾ نوڪري جي نالي تي مبينا فراڊ خلاف ڇتو چنڊ واسين جو احتجاج

سجاول(رپورٽر.)ٺٽي ڀرسان ڳوٺ ڇتو چنڊ جا رھواسي نوڪريءَ جي نالي تي لکين روپيا لٽجڻ بعد انصاف لاءِ واجھائجي رھيا آھن، ٺٽي ضلعي جي ڳوٺ ڇتو جي رھواسين صدام بروهي، امام بخش بروهي ۽ سورج سجاولي پريس ڪلب آڏو احتجاج ڪندي الزام ھنيو آھي ته بٺورو شھر جي رھواسڻ، ليڊي ھيلٿ ورڪر روشن زال رفيق، 2019ع ۾ اسان کان نوڪري ڏيارڻ جي نالي تي چوڏنهن (14) لک روپيا ورتا، پر ھن اڄ ڏينهن تائين نه ته نوڪري ڏني ۽ نه ئي پئسا واپس ڪري رھي آھي.,ھنن چيو ته اسان غريب ماڻھو آھيون، زندگيءَ جي جمع پونجي روشن کي ڏئي ڇڏي، پر ھاڻي ھوءَ نه پئسا ڏيئي رھي آھي نه ئي نوڪريءَ جو ڪو پتو پيو آھي. ڪيترائي ڀيرا سندس گھر تي وياسين، پر ھر دفعي آسرا ڏيندي ڏيندي رھي آھي ھنن اعليٰ اختيارين، جن ۾ ايس ايس پي سجاول، ڊي ايڇ او سجاول، ڊي سي سجاول ۽ ٻين وس وارن کي اپيل ڪئي ته معاملي جو نوٽيس وٺي اسان سان انصاف ڪيو وڃي ۽ اسان جا پئسا واپس ڪرائي ڏنا وڃن