عمرڪوٽ سول اسپتال جو اڳوڻو ايم ايس لاڏاڻو ڪري ويو
ڊاڪٽر معز علي شاھ دل جو دورو پوڻ سبب 64 ورهين جي ڄمار ۾ لاڏاڻو ڪري ويو
عمرڪوٽ(رپورٽ:ڪانجي مل رکيسر) عمرڪوٽ جو ناليوارو ڊاڪٽر سول اسپتال جو اڳوڻو ايم ايس رھندڙ ڊاڪٽر معز علي شاھ دل جو دورو پوڻ سبب 64 سالن جي ڄمار ۾ لاڏاڻو ڪري ويو سندس لاڏاڻي تي علائقي ۾ ڏک جي لھر ڇائنجي وئي جڏھن ته مرحوم کي جنازي نماز ادا ڪرڻ بعد کيجراڙي جي اباڻي قبرستان ۾ مٽي ماءُ حوالي ڪيو ويو جنازي نماز ۽ تدفين وارين آخري رسمن ۾ ضلعي چئرمين حاجي بقا پلي، سيد سرفراز شاھ، غلام محمد مھر، ڊاڪٽر حنيف آريسر، ڊاڪٽر اعظم کوسو، غلام حسين کوسو، عمرڪوٽ جي صحافين سيد عمران شاھ، اسلم مھر ۽ ٻين صحافين ۽ سياسي سماجي حلقن وڏي انگ ۾ شرڪت ڪئي مرحوم ڊاڪٽر سيد معز علي شاھ ڪافي عرصو عمرڪوٽ سول اسپتال جو ايم ايس رھيو ۽ اسپتال ۾ ڊيوٽي دوران سائي جي مريضن لاء ماھر ڊاڪٽر طور سڃاتو ويندو ھو