ملير: گهگهر واسي بس اسٽارٽر اڪرم زهراڻي پراسرار نموني گم

خدشو آهي ته اڪرم زهراڻي کي اغوا ڪيو ويو آهي: وارث

ملير (رپورٽ: عبدالرشيد مورجھريو) ملير جي گهگهر جو رهواسي پورهيت بس اسٽارٽر اڪرم زهراڻي گذريل ڏينهن 11 وڳي کان گم، وارثن کي اغوا جو شڪ، صبح کان وٺي ڀاءُ جو نمبر بند پيو وڃي، اسان اهڙو اطلاع اسٽيل ٽائون ٿاڻي تي به ڏنو آهي، قانون لاڳو ڪندڙ ادارن کي اپيل آهي ته ڀاءُ جي ڳولا ۾ مدد ڪئي وڃي، اسلم زهراڻي تفصيل موجب ملير جي اسٽيل ٽائون ٿاڻي جي حد گهگهر جو رهواسي پورهيت بس اسٽارٽر اڪرم زهراڻي گذريل ڏينهن 11 وڳي کان گم آهي ۽ سندس فون نمبر به بند آهن، ان سلسلي ۾ سندس ڀاءُ اسلم زهراڻي ٻڌايو ته منهنجي ڀاءُ کي صبح ٻه شخص اهو چئي پاڻ سان موٽر سائيڪل تي وٺي ويا ته اسان جو ڪافي گهر جو سامان آھي جيڪو قادر نگر ۾ رکيل آھي ۽ اسان کي اهو جيڪب آباد موڪلڻو آھي تون اسان سان هلي سامان ڏسي ڪرايو ٻڌاءِ اڪرم انهن سان گڏجي روانو ٿيو ۽ ڪجھ ٽائم کان پوءِ نمبر بند ٿي ويو جيڪو اڃا تائين مسلسل بند آهي، هن چيو ته اسان کي شڪ آهي ته منهنجي ڀاءُ کي اغوا ڪيو ويو آهي، هن چيو ته مون اهڙو اطلاع حد جي ٿاڻي اسٽيل ٽائون تي به ڏنو آهي، هن قانون لاڳو ڪندڙ ادارن کي اپيل ڪئي ته سندس ڀاءُ اڪرم جي ڳولا مدد ڪئي وڃي.