ڪراچي ۾ جانورن جو 3 ڏينھن وارو ميلو اڄ کان 19 جنوري تائين لڳايو ويندو

ميلي ۾ پوري سنڌ مان سٺي نسل جي ڳاڙھي ڳئون، مينھون، رڍون، ٻڪريون، اٺ ۽ ٻيو چوپايو مال شامل ھوندو: ڊاڪٽر فياض احمد وڳڻ

ٺٽو( ڊر) سنڌ حڪومت ۽ جانورن جي پالنا کاتي سنڌ پاران ڪراچي ۾ سنڌ جي سٺي نسل جي جانورن جو 3 ڏينھن وارو ميلو 17 کان 19 جنوري 2025 تائين لڳايو پيو وڃي، جنھن جون تياريون پڻ مڪمل ڪيو ويون آھن، ان سلسلي ۾ جانورن جي پالنا کاتي ٺٽي جي ڊپٽي ڊائريڪٽر ڊاڪٽر فياض احمد وڳڻ ٺٽي ۾ صحافين سان ڳالھائيندي چيو اھي تہ سنڌ حڪومت، جانورن جي پالنا کاتي سنڌ پاران جانورن جو ٽن ڏينھن وارو ميلو ڪراچي ۾ لائيواسٽاڪ ۽ فشريز کاتي سنڌ جي صوبائي وزير رئيس محمد علي ملڪاڻي، سيڪريٽري لائيواسٽاڪ ۽ فشريز ڪاظم جتوئي، ڊي جي سياح نظير حسين ڪلھوڙو، ڊي جي لائيواسٽاڪ رفيق ميمڻ، خالد حسين جتوئي جي نگراني ۾ سڀاڻي (اڄ) 17 جنوري کان 19 جنوري تائين ٿي رھيو اھي، جنھن ۾ پوري سنڌ مان سٺي نسل جي ڳارھي ڳئون، مينھون، رڍون، ٻڪريون، اٺ ۽ بيو چوپايو مال شامل ھوندو، جنھن جي نمائش ڪئي ويندي، جنھن ميلي جون تياريون مڪمل ٿي ويون اھن، جنھن ۾ سٺي نسل جا جانورن بہ پھچڻ شروع ٿي ويا آھن، ڊاڪٽر فياض وڳڻ چيو تہ ھي جانورن جو سنڌ ۾ وڏو ميلو آھي، جنھن ۾ پوري سنڌ کان سٺي نسل جا جانورن شامل ھوندا، جن جي نمائش ڪئي ويندي، جنھن ۾ سنڌ جي ماڻھن کي گھرجي تہ ڀرپور نموني شرڪت ڪري ھن ميلي کي ڪامياب ڪن. ھن چيو تہ ھن ميلي جو افتتاح اڄ 17 جنوري تي ڪيو ويندو، جيڪو ميلو 3 ڏينھن تائين جاري رھندو.