پی آئی اے اور ریاض ایئر کے درمیان تاریخی کارگو معاہدہ — پاکستان کی فضائی تاریخ میں نیا باب رقم

ترجمان قومی ایئرلائن کے مطابق، معاہدے کے تحت پاکستان اور لندن سے کارگو سامان ریاض منتقل کیا جائے گا، جہاں سے دونوں ایئرلائنز کے مشترکہ نیٹ ورک کے ذریعے اسے دنیا بھر کی مختلف منزلوں تک پہنچایا جائے گا۔ ترجمان نے مزید بتایا کہ یہ معاہدہ 29 اکتوبر سے باقاعدہ طور پر نافذ العمل ہو گیا ہے، جس کا مقصد پی آئی اے کے کارگو آپریشن کو وسعت دینا اور ادارے کی آمدن میں خاطر خواہ اضافہ کرنا ہے۔ ان کا کہنا تھا کہ یہ شراکت پی آئی اے کی جامع کاروباری حکمتِ عملی کا اہم حصہ ہے اور عالمی سطح پر فضائی کارگو کی بڑھتی ہوئی طلب کو پورا کرنے کے لیے ایک نمایاں سنگِ میل ثابت ہوگی۔