آبنائے ہرمز میں اماراتی آئل کمپنی کے جہاز پر حملہ، 11 افراد زخمی، ایک لاپتا
متحدہ عرب امارات کی سرکاری خبر رساں ایجنسی کے مطابق اماراتی بحری جہاز کو 17 نومبر کی شام آبنائے ہرمز میں نشانہ بنایا گیا۔
حملے کے بعد جہاز کے عملے کا ایک رکن تاحال لاپتا ہے، جس کی تلاش جاری ہے، جبکہ عملے کے دیگر تمام افراد کو بحفاظت نکال لیا گیا ہے۔
اماراتی سرکاری خبر رساں ایجنسی کے مطابق حملے میں جہاز کے عملے کے 11 افراد زخمی ہوئے، جنہیں ضروری طبی سہولیات فراہم کی جا رہی ہیں۔
متحدہ عرب امارات نے بحری عملے کے تحفظ اور سمندر میں سلامتی کو یقینی بنانے پر زور دیا ہے۔